Sipas tyre, ky veprim i Qeverisë nxit ikjen e shumë profesionistëve shëndetësorë nga Kosova.
“OIK e shqetësuar për mos ekzekutimin e pagave për inermierët, mamitë dhe profesionistët tjerë shëndetësorë të kujdesit parësor shëndetësor të cilët pavarësisht mos rangimit adekuat në draft ligjin e ri të pagave kanë vendosur të jenë në shërbim të pacientëve dhe nuk janë bashkëngjitur në greva. Ky veprim i Qeverisë ka shkaktuar pakënaqësi të mëdha në komunitetin tonë, duke provokuar kështu edhe më shumë ikjen e profesionistëve shëndetësorë nga Kosova, dhe duke rrezikuar potencialisht shërbime të tëra shëndetësore”, thuhet në postimin e tyre.
Tutje, ata nga Qeveria e Kosovës kanë kërkuar të bëjnë ekzekutimin e pagesave sa më parë, kjo për shkak të përkushtimit të tyre ndaj punës dhe jetës së pacientëve.
“OIK kërkon nga Qeveria e Kosovës që sa më parë të ekzekutojë pagesat për profesionistët shëndetësorë të nivelit primar shëndetësor të cilët edhe në kohë shumë të vështira sikur ato të pandemisë kanë qenë në krye të detyrës dhe kanë dhënë shembullin e përkushtimit ndaj punës dhe jetës së pacientëve”.
Kujtojmë se sot punonjësit shëndetësor të Qendrës Kryesore të Mjekësisë Familjare kanë mbajtur në Prishtinë protestë 15 minutshe në shenj pakënaqësie për mosekzekutimin e pagave për muajin gusht nga shteti.
