Këtë deklaratë Çollaku e bëri duke e komentuar rastin e dhunimit të 11-vjeçares nga pesë persona në Prishtinë.
Ai tha se zyrtarët nëpër të gjitha hallkat institucionale duhet me të vërtetë të jenë të përgjegjshëm në raste të trajtimit të rasteve të tilla.
“Infrastruktura ligjore është e mjaftueshme, institucionet i kemi, ligjet i kemi vetëm duhet të veprojnë sipas mandatit me përgjegjësinë e plotë profesionale. Sa do të jenë të përgjegjshëm profesionalisht, unë besoj që tashmë është koha e fundit që vërtetë policët, hetuesit në fazën e fundit që kanë punën e tyre komfor mandatit edhe prokurorët në fazën tjerë që po ashtu kalon çështja te mandati i tyre edhe gjykatësit në fund si hallka e fundit që ndajnë drejtësinë duhet me të vërtetë të jenë të përgjegjshëm”, tha ai.
Sipas Çollakut duhet të ketë një hallkë të zinxhirit të përkujdesjes duke filluar nga vetëdijesimi i qytetarëve, familja, shkolla, dhe institucionet tjera të sigurisë e të drejtësisë.
“Duhet të vetëdijesohen edhe të gjithë qytetarët edhe familja sepse nuk mundet as policia e as prokuroria asnjërit prej neve dhe familjarëve tanë që t’u rrijë gati në kuptimin e kujdestarimit duhet të bartim pra vetë të gjithë qytetarët, unë si prind dhe si kryefamiljarë duhet të di se ku i kam fëmijët e mijë, secili familjar mbanë përgjegjësinë e vet për fëmijët e vet dhe secila hallkë e zinxhirit të reagimit social formal në shoqëri në aspektin profesional pak më shumë që nënkupton familja fillimisht pastaj shkolla, pastaj Qendra për Punë Sociale e më pastaj policia”. tha ai.
Ndërkohë Çollaku tutje në emisionin “Ditari” tha se në rastin e dhunimit të së miturës, policia e ka bërë punën e vet në mënyrë të përgjegjshme sepse ka arrestuar 5 të dyshuarit menjëherë.
“Policia në këtë rast e ka bërë punën e vet, policia ka arrestuar pesë të dyshuarit, prandaj kjo është një punë e mirë nga ana e policisë”, theksoi ai.
Ai iu bëri thirrje prindërve që të shtojnë kujdesin për fëmijët, që pas orarit të shkollës të kenë informacione për fëmijët, të dinë se ku i kanë fëmijët dhe më pastaj sipas tij, edhe institucionet tjera ta kryejnë punë e vet. /Teve1.info/
