Demi në emisionin “Ditari” në Tëvë1, ka thënë se bllokimi i procesit mësimor si mjet sindikal është “tmerrësisht i padrejtë”.
“Le të hapen shkollat, le të fillojë mësimi normal dhe mësimdhënësit t’i shprehin pakënaqësitë në forma tjera. Ky mjet sindikal për bllokim të plotë të procesit mësimor është shumë i padrejtë. Është tmerrësisht i padrejtë. Nuk e ka mësimdhënësi problemin me prindërit e as më fëmijët tanë, ne e dimë këtë atëherë pse duhet ata ta paguajnë këtë faturë”, ka deklaruar ai.
Demi thotë se nuk do të qëndrojnë më vetëm si shikues pasiv dhe t’i lënë fëmijët në këtë gjendje.
“Kjo padrejtësi që ne e kemi kthyer në normë, ne duhet ta shohim ndryshe dhe për këtë jemi aktivizuar dhe nuk mund të durojmë të qëndrojmë vetëm shikues pasiv apo deklarativ dhe t’i lëmë fëmijët tanë në këtë gjendje që është e pashpresë”, theksoi ai. /teve1.info/
