Përmes një postimi në llogarinë e saj në Facebook, Musmurati tha se gjendja në arsimin parauniversitar në Prishtinë është e rëndë dhe dëshpëruese.
“Diku në terr e diku në dritë po takohem me edukatoret e mësimdhënësit e Prishtinës. Gjendje e rëndë e shumë dëshpërim për mosnisjen e vitit shkollor. Ata kërkuan dialog, ata nuk duan kërcënime.
Në këtë linjë, i sigurova që Komuna e Prishtinës do të kontribuojë në rritje të dialogut e asnjëherë nuk do të bëhet pjesë e përçarjes. Dje kemi ofruar mbështetje për Ministren Nagavci që të ndërmjetësojmë dialogun me SBASHK-un. Fatkeqësisht, Qeveria refuzoi gatishmërinë tonë dhe na kërkoi listat e grevistëve. Por ne nuk do të dorëzojmë lista përçarëse. Ne kërkojmë dialog përbashkues që mësimi të fillojë sa më parë”, ka shkruar Musmurati.
