Përmes një postimi në Twitter, ai bëri të ditur se kjo pasi që Ministria e Financave ka vendosur të mos procesojë pagat për Komunën e Prishtinës.
Sipas tij, kjo është e papranueshme dhe e jashtëligjshme për shkak se Komunat kanë buxhetet e veta dhe se janë punëdhënës i pavarur.
“Sot nuk jam paguar si zakonisht, sepse Ministria e Financave ka vendosur mos me i procesu pagat për Komunën e Prishtinës! Totalisht e papranueshme dhe e jashtëligjshme. Komunat kanë buxhetet e veta dhe janë punëdhënës i pavarur”, shkroi Zogaj.
Ndryshe, të mërkurën ministri i Financave, Hekuran Murati, ka mbajtur një konferencë për media, ku ka bërë të ditur se ekzekutimi i pagave në sektorin publik, është bërë pjesërisht për muajin gusht.
Ai deklaroi se kjo ndodhë për shkak të vonesave në procesimin e listave të grevistëve.
Ditë më parë kjo ministri ka kërkuar nga Këshilli Grevist listën e punonjësve që po marrin pjesë në grevë për t’ua ndalur pagën sipas neni 18 të Ligjit për Greva./teve1.info/
