Gjatë një adresimi drejtuar mësimdhënësve, Jasharaj u shpreh se nuk do të zbrapsen dhe se greva mund të përfundojë vetëm kur Qeveria do t’iu ofrojë zgjidhje.
“Kolegë dhe kolege greva do të përfundojë kur do të thoni ju, kur Qeveria do të zgjedh kërkesat tona greva nuk do të përfundojë tinëz, greva do të përfundojë ashtu siç është shpallë në BSPK…Është qëllimi i dikujt të krijojë amulli po ju betohem do të mbyllet kur të thuani ju dhe kur Qeveria i zgjedh por jo me fjalë”, tha ai.
Tutje, ai hedhi akuza ndaj ministrit të Financave, Hekuran Murati i cili mori vendim që t’ua ndalë pagat mësimdhënësve që ishin pjesëmarrës në greva.
“Jemi në rrugë të zotit dhe po them para mediave edhe grevat kanë me u kry dikur, por dikush ka me u turpëru. Ai që ka me u turpëru më së shumti është Hekuran Murati që po bën goditje të ulëta po don me na tutë edhe ka me u turpëru Nagavci sepse do duhej të ishte zëri ynë dhe e kam lut pash zotin fol një herë në Qeveri për këta arsimtarë edhe nëse thonë jo, ti e hjekë nga barra e shpirtit”, shtoi ai.
Po ashtu, kreu i SBASHK-ut bëri të ditur se tashmë kanë dorëzuar kallëzimin penal ndaj Muratit për vendimin e mosekzekutimit të pagave për mësimdhënësit.
“Pagat mundet me mendu se na i ndalë por ka gjyqe, ne nuk do të pushojmë çdo instancë të mundshme do t’i dërgojmë dhe SBASHK-u e ka përgatit dhe dorëzu në organin gjegjës, në Prokurori kallëzimin penal ndaj Hekuran Muratit e tash ai kur ta thërrasin le t’i qet letrat le t’i tregojë se paska drejtë ai thuajse janë parat e tij”, shtoi ai./teve1.info/
