Kurti, tha alfabetin e gjuhës shqipe të jetësuar para 114 viteve nga dijetarë shqiptarë sot do ta kenë mundësinë ta mësojnë të gjithë fëmijët kudo që banojnë shqiptarët përmes kësaj abetare, shkruan teve1.info.
“Janë bërë 114 vite që kur dijetarët shqiptarë u mblodhën në Kongresin e Manastirit për të jetësuar alfabetin në gjuhën shqipe, të cilën nga sot fëmijët anë e mbanë viseve të banuara me shqiptarë do ta mësojnë si abetare të përbashkët dhe unike. Populli ynë e di së përbashkimi i kombit është i domosdoshëm për ecjen përpara. Fati i shkollës shqipe ka qenë i lidhur ngushtë me fatin e kombit tonë. Sot kombin tonë e përbashkon edhe kjo abetare. Jam i lumtur që sot kemi këtë abetare për të cilën u zotuam me marrëveshjen e përbashkët të dy qeverive në nëntor të vitit të kaluar”, ka thënë Kurti./teve1.info/