Sindikata e Bashkuar e Arsimit, Shkencës dhe Kulturës e Kosovës ( SBAShK ) e drejtuar nga Rrahman Jasharaj ka ftuar mësimdhënësit që t’i bashkohen grevës.
Në shkollën “Bafti Haxhiu” në Viti në oborrin e saj janë parë dhjetra nxënës mëngjesin e sotëm duke pritur që të hyjnë në shkollë.
“Kemi ardhur për mësim”, thanë nxënësit që prisnin që shkolla të hap dyert për ta, në ditën e parë të mësimit.
Mësimdhënësit janë në grevë edhe sot nga ora 9:00 sipas orarit të këshillit grevist, teksa drejtoria e kësaj shkolle ka thënë për Plus Tv se janë kundër grevës.
Në komunën e Vitisë bëhet e ditur se të gjitha shkollat i janë bashkuar grevës.
Ndërkohë ministrja e Arsimit, Arbërie Nagavci, u ka bërë thirrje mësimdhënësve që më 1 shtator të fillojë mësimi.
