Kur ka mbetur më pak se një orë nga filimi i zbatimit të reciprocitetit me Serbinë për çështjen e dokumenteve, situata është e qetë në dy pikat kufitare në pjesën veriore të vendit.
Gazetari, Valmir Gallopeni që po raporton live për Tëvë 1 nga pika kufitare në Jarinje bëri të ditur se situata atje është e qetë.
Edhe në pikën kufitare në Bërnjak situata është qetë. Gazetari Shpat Blakçori bëri të ditur se në këtë pikë kufitare nuk ka shumë qarkullim.
Pas ndërmjetësimit të përfaqësuesve të Shteteve të Bashkuara dhe Bashkimit Evropian, më 27 gusht Kosova dhe Serbia arritën marrëveshje për çështjen e dokumenteve të identitetit./Teve1.info/