Erdhi për të parë se a do të fillojë mësimi.
Me të arritur në shkollë, 7 vjecarja shprehu dëshpërim kur pa njoftimin për grevë.
Pavarësisht përgaditjeve e entuziasmit të saj për të filluar vitin e ri shkollor, ajo duhet të presë deri sa të arrihet një marrëveshje.
E një ditë para një shtatorit përmes një konference për media e para e arsimit i bëri thirrje mësimdhënësve që të veprojnë pa ndikimin e askujt.
Madje ministrja Arbërie Nagavci u zotua se me Projektligjin për Pagat kanë tejkaluar edhe kërkesat e sindikatës dhe me këtë kanë bërë një pozicionim më të mirë për mësuesit.
“Lus të gjithë punëtorët e arsimit që vendimet t’i marrin me kujdes dhe pa asnjë presion”, tha ajo.
Por, grevistët u treguan stoik në qëndrimet e tyre të mërkurën duke përsëritur se ky vit nuk do të fillojë me 1 shtator.
“Nesër është 1 shtatori dhe po të kishim angazhim të sinqertë të shtetit tonë nesër do të kishim fillim të vitit shkollor, por fatkeqësisht pasi që mungon dialogu greva do të vazhdoj kjo do të thotë që edhe nesër punëtorët e arsimit do të jenë në grevë dhe ajo do të vazhdoj edhe më tutje derisa qeveria të filloj realizimin e kërkesave tona. Deklaratat e Nagavcit dhe ministrit Murati ata fillimisht duhet të lexojnë ligjin për grevat, sepse ai imbron grevistët sepse nuk mund të bëhet presion dhe asnjë ndëshkim qoftë apo prekjen e pagave”, tha kreu i SBASHK-ut, Rrahman Jashari.
Ka gati një javë që mësimdhënësit kanë hyrë në grevë.
Kronika e gazetares Valëza Sylejmani.