Sipas tij, nëse marrëveshja Kosovë – Serbi për dokumentet e identifikimit do ishte e suksesshme do duhej të kishin dokument lidhur me këtë çështje.
“Nëse e shohim kornizën të cilën e ka pranuar Kurti, është korniza e dialogut që e ka udhëhequr Edita Tahiri, e të cilën Kurti e ka kundërshtuar shumë. Korniza e dialogut të Tahirit, të dërgon drejt zbatimit të Asociacionit të komunave me shumicë serbe. Pra, është komplet dialog në hapat e qeverive të kaluara. Nëse marrëveshja do ishte e suksesshme dhe e mirë për Kosovën ashtu siç pretendon Qeveria e Kosovës, sigurisht që do kishin dokument për këtë çështje. Mirëpo, vet fakti që Qeveria e Kosovës nuk pranon me asnjë kusht ta publikojë atë dokument, tregon se po fshihen prapa saj”, tha Ahmeti në emisionin “Ditari” në Tëvë1.