“Të pandehurit N.S dhe A.S, në bashkëkryerje kanë shfrytëzuar pa përvojën e viktimave dhe gjendjen e tyre materiale, duke i detyruar të dëmtuarit të veprojnë në dëm të pasurisë së tyre dhe i kanë sjellë në gjendje të rëndë financiare, ashtu që fillimisht u’a japin shumën prej 50 mijë euro me fajde dhe në vazhdimësi u kanë bërë presion që viktimat të ua paguajnë interesin – kamatën prej 20% mujore, duke përvetësuar shumën e parave në vlerë rreth 800 mijë euro si dhe automjetet e markave Range Rover, Mercedes dhe Tiguan, në vlerë rreth 50 mijë euro”, thuhet në komunikatën e Prokurorisë së Gjilanit.
Sipas njoftimit, të njëjtit janë arrestuar në flagrancë, duke noterizuar kontratën kinse për shitblerjen e një parcele, e që në fakt ka qenë e njëjta parcelë që është marrë në emër të fajdesë.
Lidhur me këtë rast, Prokurori i Shtetit, brenda afatit ligjor do të ushtroj kërkesë për caktimin e masës së paraburgimit pranë Gjykatës Themelore në Gjilan, thuhet në njoftim.