Përmes një postimi në Facebook, drejtoresha e Arsimit, Besianë Musmurati u shpreh se nuk do të lejojnë që Qeveria të bëjë presion në komuna për çështje që u takojnë nivelit qendror.
Sipas saj, dialogu i shëndoshë është e vetmja mënyrë që të dilet nga situata aktuale – grevat në sistemin arsimor.
“Por nuk do të lejojmë që Qeveria të bëjë presion në komuna për çështje që u takojnë të zgjidhen në nivel qendror. Dialogu i shëndoshë është mënyra e vetme që të ecim përpara. Si Prishtinë, e japim përkrahjen për dialog por nuk dorëzojmë lista të grevistëve në Qeveri. Përkrahim bashkëpunimin dhe jo përçarjen”, thuhet ndër tjerash në njoftim.
Tutje, Musmurati bëri të ditur se shkollat e kryeqytetit janë të gatshme për të filluar vitin e ri shkollor./teve1.info/