Përmes një postimi në Facebook, Krasniqi bëri thirrje urgjente që shteti të reagojë në të gjitha instancat për të rritur ndërgjegjësimin.
“Këto ditë, të gjithë jemi të shokuar nga rasti makabër i dhunimit të vajzës 11 vjeçare në Prishtinë. Dhe, për më keq, ky nuk është një rast i izoluar i dhunës ndaj vajzave dhe grave në Kosovë. Prandaj, shteti, urgjentisht dhe me vendosmëri, duhet që të reagoj në të gjitha instancat për të rritur ndërgjegjësimin, për të përmirësuar edukimin, krijuar sigurinë dhe garantuar drejtësinë për vajzat dhe gratë”, thuhet ndër tjerash në postim.
Tutje, ai shtoi se duhet vepruar tash që të dërgohet mesazh te dhunuesit se shteti dhe shoqëria do të mbrojë vajzat dhe gratë me forcën e palëkundur të ligjit./teve1.info/