Këto mbishkrime në pikat kufitare Kosovë-Serbi janë vendos një ditë para se të filloj zbatimi i reciprocitetit për dokumente siç janë: letërnjoftimet dhe targat e veturave në mes të Kosovës dhe Serbisë.
Në këto pankarta thuhet se “përdorimi i letërnjoftimeve të lëshuara nga autoritetet në Prishtinë është i mundur vetëm për arsye praktike, për hir të lirisë së lëvizjes dhe se kjo nuk mund të interpretohet si njohje e pavarësisë së shpallur në mënyrë të njëanshme të Kosovës”.
Mohimet gjithashtu theksojnë se përdorimi i kartave të identitetit të lëshuara nga Prishtina nuk mund të interpretohet si pëlqim i Beogradit për të devijuar nga Rezoluta 1244 e Këshillit të Sigurimit të OKB-së.
Deklaratat janë postuar një ditë para fillimit të regjimit të ri dhe janë shkruar në serbisht dhe anglisht.
Të shtunën, më 27 gusht, Prishtina e Beogradi kanë arritur marrëveshje për dokumentet personale, sipas së cilës qytetarët e Kosovës do të kalojnë në kufi me Serbinë përmes letërnjoftimeve të lëshuar nga Republika e Kosovës derisa ata të Serbisë me letërnjoftimet e lëshuar nga ky shtet, pa pasur nevojë ëpr pajisje me dokumente shtesë për hyrje-dalje të të dyja vendeve./RTS/