Kjo është njëra ndër zonat e gjelbra në kryeqytet që shërben si relaksim për prishtinasit.
Por, ky park po ngjall rrezik tek banorët e kësaj ane.
Meqë në këtë vend dyshohet se u dhunua e mitura 11 vjeçare mbrëmjen e së shtunës.
E tri ditë pas rastit të rëndë, numri i personave që frekuentojnë parkun e Arbërisë ka rënë.
Pak nga qytetarët që u panë këndej të martën bënë thirrje që raste të tilla të mos përsëritën më.
Kurse Sahti Rrustem i cili këtë të martë ka zgjedhur këtë park për pushuar, kërkon dënim maksimal për të personat që kanë kryer dhunimin.
Pesë persona të cilët dyshohen të jenë përfshirë në dhunim janë dërguar në arrest.
Madje katër nga të dyshuarit kanë dalë para trupit gjykues.
Gjatë ditës iu është caktuar masa e paraburgimit edhe këtyre dy të miturëve.
E njëri nga të dyshuarit përveç këtij rasti ka edhe një të kaluar problematike.
Rreth dhunimit seksual të 11 vjeçare kanë reaguar edhe koalicioni i OJQ–ve për Mbrojtjen e Fëmijëve në Kosovë, ku kanë kritikuar institucionet shtetërore për mos mbrojtje të duhur të fëmijëve
Bazuar në dhënat Këshillit të Nxënësve të Kosovës 34.4% e raportimeve të nxënësve tregojnë se në shkolla ka mësimdhënës që ngacmojnë seksualisht.
Kurse sipas shifrave të Policisë së Kosovës të siguruar nga Tëvë 1 nga janari e deri në korrik të këtij viti kanë ndodhur 41 raste të dhunimeve seksuale.
E nga Prokuroria Themelore në Prishtinë kanë thënë se janë paraqitur 13 raste gjatë këtij viti ku për 3 raste janë ngritur aktakuza kurse të tjerat janë duke u hetuar.
Raporti i gazetares Doresa Geci.