LDK ka kërkuar që përgjegjësit që kanë bërë krime në Kosovë si vrasje, dhunime, maltretime, si dhe për fatin e të zhdukurve të luftës së fundit duhet të dalin para drejtësisë, shkruan teve1.info.
“Përgjegjësit që kanë bërë krime mbi popullin tonë; vrasje, dhunime, maltretime, si dhe për fatin e të zhdukurve të luftës së fundit në Kosovë duhet të dalin para drejtësisë”.Të gjithëve na mungojnë; ata janë plagë e jona e përbashkët që nuk mbyllet pa e ditur fatin e tyre”, thuhet në njoftimin e LDK-së.
Lidhja Demokratike e Kosovës thotë se është detyrë institucioneve të Kosovës që të bëjë sa më shumë dhe ta ketë prioritet çështjen e personave të zhdukur, derisa të zbardhet fati i tyre.
“Tash e 23 vjet familjarët e të zhdukurve presin me ankth për ndonjë lajm për më të dashurit e tyre. Është detyrë e institucioneve të Kosovës dhe secilit prej nesh që të bëjmë sa më shumë dhe ta kemi prioritet çështjen e personave të zhdukur, derisa fati i tyre nuk është zbardhur; ndërsa dhimbja dhe vuajtjet e familjeve vazhdon të jetë e rëndë”, thuhet tutje në njoftim.
