Me këtë rast, Presidentja Osmani tha se Kosova sot përkujton një ndër krimet më të llahtarshme gjenocidale të Serbisë në Kosovë, shkruan teve1.info.
“Edhe sot bëjmë thirrje që së bashku me Komunitetin Ndërkombëtarë të rrisim angazhimin që Serbia të përgjigjet për krimet e kryera por edhe të tregoj vendndodhjen e më të dashurve tanë. Në dialogun me Serbinë është prioritet çështja e të zhdukurve me dhunë dhe institucionet po bëjnë të pamundurën që përmes këtij procesi Serbia të jap të gjitha të dhënat që çojnë drejt zbardhjes së fatit të të zhdukurve. Shpresojmë që me trysni ndërkombëtare të arrihet kjo marrëveshje e cila do ta zbardhte rastin e personave të zhdukur. Kjo vazhdon të jetë plaga më e thellë e pasluftës ”, tha ajo.
Ndërsa Kryeministri Kurti tha se përmes faktorëve ndërkombëtarë do t’i bëhet trysni Serbisë për hapjen e arkivave në mënyrë që të kuptohet fati i të pagjeturve.
“Me faktorët ndërkombëtarë të bëjmë trusni që në Beograd të hapen arkat që të merret vesh fati i të pagjeturve tanë. I ftoj qytetarët të cilët kanë informacion që atë ta bëjnë publik, përveç arkivat por edhe qytetarët në serbi të flasin për atë që din. Të pagjeturit vazhdojnë të mbeten plagë e hapur”, tha Kurt.
Në Ditën Ndërkombëtare të Personave të Zhdukur, Presidentja e Kosovës, Vjosa Osmani dhe Kryeministri Albin Kurti sot kanë bërë homazhe te përmendorja dedikuar këtyre personave./Teve1.info/
