Përmes një postimi në Facebook, ajo u shpreh se gjithçka rreth këtij rasti duhet të jetë me urgjencë.
Tutje, ajo u shpreh se mllefin duhet të kthehet në drejtësi dhe se nuk ka asgjë më të rëndësishme për institucionet sesa siguria e vajzave.
“Nesër në mëngjes mblidhet Grupi i Përgjigjes Emergjente për rastin e rëndë të dhunimit. Gjithçka duhet të jetë me urgjencë. Nuk ka asgjë më të rëndësishme për institucionet dhe shoqërinë tonë se siguria e vajzave. Mllefin duhet ta kthejmë në drejtësi. Asnjë vajzë më. Asnjë. Bash asnjë”, thuhet në postimin e saj.
Ndryshe, lidhur me rastin ka reaguar edhe ministri i Punëve të Brendshme, Xhelal Sveçla i cili ka bërë të ditur se janë arrestuar edhe dy të dyshuar tjerë.
Ai tha se me shqetësim ka pranuar lajmin për dhunimin e vajzës së mitur nga pesë persona për disa orë me radhë.
“Jam i vetëdijshëm për shqetësimin e drejtë të secilit prind e secilës vajzë në vendin tonë. Nga Policia e Kosovës kam kërkuar angazhim maksimal për arrestimin sa më të shpejtë të të gjithë kryesve të këtij akti makabër dhe sapo u njoftova se janë arrestuar edhe 2 të tjerë”, shkroi ai në Facebook.
