Përmes një komunikate, kjo Ministri u shpreh se baza ligjore për zgjidhjen e problemit të Kosovës mbetet rezoluta 1244 e Këshillit të Sigurimit të Organizatës së Kombeve të Bashkuara, që sipas tyre e përcakton qartë integritetin territorial të Serbisë.
Po ashtu, në komunikatë thuhet se e konsiderojnë të papranueshëm zhvlerësimin e elementeve kyçe të identifikuara gjatë dialogut mes Prishtinës e Beogradit, në veçanti kur flitet për krijimin e Asociacionit të Komunave me Shumicë Serbe.
”Ne do të vazhdojmë të ndihmojmë në gjetjen e një zgjidhjeje të drejtë. Pikat kyçe të pozicionit tonë janë të njohura”, thuhet ndër tjerash në deklaratë.
Tutje, në komunikatë thuhet se situata në Kosovë është përshkallëzuar sërish në muajin e fundit duke iu afruar skajit të konfliktit ndëretnik dhe se sipas tyre synimi ishte për t’o detyruar serbët që të filojnë ndërrimin e dokumenteve dhe targave me ato të Kosovës.
“Përkundër shpërthimit të pakënaqësisë së arsyeshme të popullatës serbe, paralajmërimeve nga Beogradi dhe rrezikut të lartë të konfrontimit të drejtpërdrejtë, liderët e Kosovës me vendosmëri kanë refuzuar të ndryshojnë planet e tyre”, thuhet ndër tjerash në deklaratë.
