Përmes një komunikate, kryetari i BSPK-së ka bërë të ditur se ajo që i shqetëson më së shumti është mosreflektrimi i Qeverisë.
“Sot, e hënë, më 29 gusht 2022, duam të informojmë opinionin se greva e përgjithshme në nivel vendi është duke u zhvilluar mirë dhe pa probleme e plotësisht sipas rregullave dhe normave ligjore. Por, ajo që e shqetëson BSPK-në është mosreflektimi i Partnerit tonë Social – Qeverisë përkitazi me kërkesat e arsyeshme sindikale. Partneri ynë Social – Qeveria duhet që të punësuarve të saj t’ua dëgjojë hallet dhe të merret seriozisht me shqetësimet e tyre”, thuhet ndër tjerash në njoftim.
Tutje, BSPK tha se Qeveria duhet t’i thërras ata në takim për të biseduar lidhur me zgjidhjen e problemeve.
Po ashtu, në komunikatë thuhet se BSPK është në pritje të hapjes së dialogut me Partnerët Socialë konform rregullave dhe ligjit.
