Këtë deklaratë Murati e bëri në një konferencë për media teksa theksoi se praktikat dhe konventat ndërkombëtare nuk e obligojnë punëdhënësin të paguaj punëtorët për kohën aq sa janë në grevë.
Sipas tij SBASHK-u duhet t’i siguroj mjetet për t’i kompensuar grevistët për ditët e humbura.
“I gjithë stafi që është në grevë duhet të paraqitet dhe normalisht të paguhen vetëm për ditët që kanë punuar, për ditët që nuk kanë punuar pra që kanë qenë në grevë do të duhej që t’i kompensonte sindikata. Janë gati 3.2 milonë euro që pesë vitet e fundit domethënë nga korriku e 5 vite prapa SBASHK-u ka marrë në emër të anëtarësisë dhe pyetja që do të duhet të shtrohej është se çka ka ndodhë me këto mjete… Ky është fondi që do të duhet paguar për të kompensuar punëtorët e arsimit nëse SBASHK-u i fton në grevë mirëpo punëdhënësi assesi nuk e ka për obligim që të mbulojë pagesën për ditët që ka grevë apo nuk punohet”, tha ai, shkruan teve1.info.
Tutje Ministri Murati tha se nuk do të duhej të kishte grevë dhe kërcënime të tilla të cilat sipas tij po bëhen çdo vit.
“Nuk mendoj që do të duhet të kishte grevë nuk mendoj që di të duhet të kishte kërcënime apo shantazhe të këtij lloj siç ka ndodhur çdo vit pothuajse ku asnjë vit të vetëm prindërit nuk janë të sigurt se fëmijë do të shkojnë në shkolla apo jo me datë 1 shtator apo jo./Teve1.info/
