Përmes një komunikate, Ministria ka theksuar se presin që palët të bien dakord sa më shpejt për çështje të tjera e në veçanti për targat.
Tutje, Ministria bën të ditur se më 31 korrik kur situata u tensionua në veri, kryediplomati turk, Mehmet Çavusoglu ka biseduar me homologët e tij nga Kosova e Serbia për të ulur tensionet.
“Siç do të mbahet mend, tensioni në veri të Kosovës u ngrit më 31 korrik për shkak të rregullimeve për kartat e identitetit dhe targat, pastaj pala kosovare i shtyu ato marrëveshje për 30 ditë. H.E. Z. Mevlüt Çavuşoğlu, Ministër i Punëve të Jashtme të Republikës së Turqisë, ka biseduar në telefon me Zëvendëskryeministrin dhe Ministrin e Punëve të Jashtme të Kosovës dhe Ministrin e Punëve të Jashtme të Serbisë më 31 korrik për të ulur tensionin. Türkiye gjithashtu ka vazhduar t’u bëjë thirrje palëve që të veprojnë me përmbajtje”, thuhet ndër tjerash në komunikatë.
Po ashtu, kjo Ministri ka shtuar se do t’i kushtojë një rëndësi të madhe ruajtjes së paqes dhe stabilitetit në Ballkan dhe mbështesin zgjidhjen e problemeve përmes dialogut.
“Turqia, si një vend ballkanik, i kushton rëndësi të madhe ruajtjes së paqes dhe stabilitetit në Ballkan dhe mbështet zgjidhjen e problemeve përmes dialogut, si dhe iniciativat për këtë qëllim. Turqia do të vazhdojë të përpiqet për të ruajtur paqen dhe stabilitetin në rajon”, njofton tutje komunikata./teve1.info/
Press Release Regarding the Agreement Between Kosovo and Serbia on Border Crossings With ID Cards https://t.co/hWkgQRjUkO pic.twitter.com/kwl1BrI0mh
— Turkish MFA (@MFATurkiye) August 28, 2022