Lëvizja Vetëvendosje, ani pse është partia me mbi 50% të votave në nivel qendror, qeverisë në vetëm katër komuna të vendit.
Podujeva, Kamenica, Gjilani dhe Shtimja, udhëhiqen nga kryetarët që i përkasin partisë së shefit të qeverisë, Albin Kurti.
Kjo ka bërë që shumica e investimeve nga qeveria të fokusohen në po këto katër komuna.
E ky veprim, ka ngjallur reagime nga ana e opozitës.
Betim Gjoshi nga PDK, thotë se asnjë nga tetë komunat që qeverisen nga kjo parti, nuk morën asnjë grant nga Ministria e Administrimit të Pushtetit Lokal.
Njësoj sipas tij, po ndodhë edhe me projektet e ministrive tjera.
Kritikë të njëjtë karshi mënyrës se si qeveria po i trajton komunat në baza partiake, e ka edhe ish-kryeministri, Avdullah Hoti.
Ai ironizon me faktin që shumica e investimeve qeveritare po fokusohet tek komunat me të cilat udhëheq Vetëvendosje.
Këto pretendime, sipas ministrit të Ministrisë së Administrimit të Pushtetit Lokal, Elbert Krasniqi, nuk qëndrojnë.
Sipas tij, ministria që ai drejton, i ka trajtuar njësoj të gjitha komunat, pavarësisht se nga cila parti është drejtuesi i tyre.
Kryetarët komunal që vijnë nga Lëvizja Vetëvendosje, janë të ndarë edhe brenda Asociacionit të Komunave të Kosovës.
Ditë më parë, kur krerët e asociacionit paditën dy ministi të qeverisë Kurti, me këtë veprim nuk u pajtuan bashkëpartiakët e Kurtit.
Madje, kreu i Podujevës, Shpejtim Bulliqi, këtë institucion e quajti si të kapur nga partitë opozitare.
Kronika e realizuar nga gazetari Arton Rama.