Sipas saj, zhvillimi i qëndrueshëm i kësaj barazie mund të arrihet vetëm nëse gratë dhe vajzat kanë mundësi të barabarta për të kontribuuar dhe treguar vlerat dhe aftësitë e tyre në të gjitha sferat e jetës.
“Këtë e theksova në Forumin Rinor për Barazi Gjinore të organizuar nga UNDP, në bashkëpunim me Qendrën Kosovare për Studimet Gjinore.
Përgëzova pjesëmarrësit për vullnetin e mirë për të qenë anëtarë të këtij forumi dhe angazhimin e tyre për të bërë ndryshime pozitive në fushën e arsimit, zhvillimit të paqes dhe barazisë gjinore.
E theksova se sfida qëndron në implementimin e suksesshëm të politikave në praktikë.
Ndër të tjera fola edhe për punën që është bërë në promovimin e këtyre politikave, themelimin e Forumit Nacional për Shkollat Miqësore “Rritemi bashkë”, për organizimin e aktivitete për parandalimin e dhunës ku mund të pësojnë të dy gjinitë”, ka shkruar Nagavci.
Sipas saj, përkushtimi i MAShTI-t për përcaktimin e standardeve të teksteve shkollore ka qenë i vazhdueshëm.
“Pra kemi një standard për barazinë gjinore i cili kërkon që t’i kushtohet vëmendje dhe kujdes çështjes së barazisë gjinore.
Roli i arsimit është jetik për të luftuar pabarazinë gjinore dhe për të fuqizuar të rinjtë pa dallim moshe, gjinie apo përkatësie etnike”, ka thënë Nagavci.
