“NATO shko në shtëpi” dhe “Kjo është Serbia”, kështu ishte e shkruar me ngjyrë të kaltër dhe të bardhë në disa lokacione në këtë komunë.
Qytetarët serbë në këtë komunë thonë që këto veprime lidhen me zhvillimet politike.
Por ka prej tyre që nuk e njohin shtetësinë e Kosovës.
“Po shikoni, kjo është politikë, unë nuk dua të hyjë në këto gjëra,nuk jam i gatshëm për këto gjëra, jam një i moshuar dhe le të jetë si të jetë, të bëhet mirë për të gjithë. Nuk dua të lëshohem në çështje tjera”, tha njw qytetar.
“Nuk di asgjë, mendoj se kjo është Serbi. Këtu është Serbi, sepse këtu së pari ishte Serbia e pastaj tjerat. Mua nuk me zgjedh askush, për mua të gjithë janë të mirë dhe dua që askush të mos e pësoj”, tha njw tjetër qytetar.
Në anën tjetër, ka pasur të tjerë që nuk kanë dashur të komentojnë këto veprime.
Ndërkohë Komandanti i KFOR-it, gjeneralmajor Frenc Kajari, paraprakisht ka deklaruar se ky mision nuk lejon trazira, dhe se mandati i tyre është të mundësojnë lirinë e lëvizjes.
Përveç këtyre grafiteve, nga fillimi i muajit gusht, në këtë shesh pati edhe grafite si “Mirë se vini në bashkësinë e komunave serbe” dhe “Ne jemi këtu po presim” .
Kronika e gazetares Fetije Kamberi.