I ftuar në emisionin “Ditari” në Tëvë 1, ai vlerëson se subjektet opozitare në vend po e përdorin një taktikë se “ku po gabon Qeveria”.
“Faktikisht opozita në Kosovë ka qenë e fatshme që në periudhën të jetë durimtare ndaj veprimeve të Qeverisë opozita aktuale në Kosovë duke u nis prej nevojave dhe detyrave që kanë si opozitë do të duhej të ishin më atraktive për mos me thënë ndonjë fjalë më të rëndë në angazhimin e tyre sa i përket kritikës ose dhënies së rrugëzgjedhjes për proceset e kalume që ka kaluar qeveria aktuale. Kryesisht ka qenë jo fuqishëm e zëshme sa për t’i bërë presion një Qeverie që ka një shumicë absolute si Qeveria Kurti dhe kam përshtypjen që subjektet opozitare, si p.sh LDK sikur kanë përdorë atë taktikën të presin ku po gabon qeveria dhe kjo nuk është përshkrim i detyrës së opozitës”, tha ai.
Madje, politologu shton se sa i përket çështjes së dialogut me Serbinë, pozitë – opozitë duhet të kenë një unitet e sidomos në tema të veçanta si themelimi i Asociacionit të Komunave me Shumicë Serbe.
“Faktikisht po them për të gjitha veprimet tjera gjendja ekonomike e Kosovës është tentu por edhe përpara grupi i Unitetit ka pasë tentime që të ketë një zë sa i përket Kosovës për procese të caktuara politike dhe sidomos të raportit mes Kosovës dhe Serbisë do të duhej, mirëpo sot opozita duhej të kishte edhe një mendim dhe sqarim nëse janë kundër Asociacionit të japin mendime pse janë kundër dhe si do duhej me vepru pra të jenë edhe në këtë rrafsh dhënës të mendimeve dhe ideve sesi e dijmë shumë mirë që kryeministri Kurti njëra prej premtimeve që ka qenë në opozitë ishte që është kundër Zajednicës dhe pas bërjes kryeministër ajo shprehje sikur u largua dhe ngeli Asociacioni”, tha ai./teve1.info/
