Kurti në konferencën për media ka thënë se opsionet ku Kosova duhet të prodhojë targa neutrale për vetveten nuk vijnë në konsiderim, raporton Teve1.info
“Do të ketë takim edhe sot, por opsionet që janë të pranueshme për ne, janë opsione të cilat janë në përputhje me Kushtetutshmërinë dhe ligjshmërinë në Kosovë dhe në frymën e parimit të reciprocitetit. Nëse ne në formë reciproke njohim targat nuk do të thotë se ka ndodhur njohja reciproke. Dialogu asimetrik nuk ngjan më në Bruksel, ky është dallim tektonik”, ka deklaruar ai.
Sipas tij, targa të UNMIK-ut nuk prodhon Kosova.
“Duhet ta shohim takimin e sotëm, a kanë opsione të reja. Mirëpo opsionet ku Kosova duhet të prodhojë targa neutrale për vetveten nuk vijnë në konsiderim. Me mua si kryeministër me këtë udhëheqje demokratike nuk mund të ketë prodhimtari status neutrale në Republikën e Kosovës. RKS janë tabelat e Kosovës. Targa të UNMIK-ut nuk prodhon Kosova, këtu jemi shumë të qartë, kjo nuk ka të bëjë me mua personalisht. Unë s’do të mund të bëja asgjë kundër Republikës”, ka thënë Kurti. /teve1.info/
