Në një konferencë për media, Kurti theksoi se të gjitha institucionet relevante janë duke bërë çmos që reduktimet të ndalen dhe të rikthehet sa më parë furnizimi, shkruan teve1.info
“Javën e kaluar kemi pasë një bashkëpunim të shtuar me Shqipërinë, përkatësisht KEK-u ynë me KESH-un, ku bashkëpunimi ka mundësuar zbutjen e reduktimeve, megjithatë energjia që mund ta marrim nga Shqipëria, për fat të keq, nuk e plotëson në tërësi mungesën tonë, për shkak se edhe vet Shqipëria nuk po prodhon mjaftueshëm për nevojat e veta. Aktualisht të gjitha institucionet publike relevante po bëjnë çmos që reduktimet të ndalen dhe furnizimi i rregullt me energji të kthehet sa më parë që është e mundur”, tha ai.
Kreu i Ekzekutivit potencoi se luftimi i rasteve të vjedhjes së energjisë dhe kursimi i energjisë do të jenë pika kritike për tejkalimin e krizës. /Teve1.info/
