Kurti në mes të prezantimit të pikave që janë folur në takim, ka përmendur marrëveshjen për lirinë e lëvizjes, raporton Teve1.info
Ai tha se kjo temë ka ardhur me katër propozime nga ana e BE-së, teksa tha se deklaratat se ka pasur propozime nga njëra palë dhe gatishmëri për kompromis janë të pavërteta.
“Marrëveshja për lirinë e lëvizjes ka ardhur si temë me katër propozime nga ana e BE-së nga Lajçak. Deklarata se ka pasur propozime nga njëra palë dhe gatishmëri për kompromis janë të pavërteta. Ne ende kemi qenë të hapur për diskutime në këtë drejtim mirëpo nga ndërtesa ka dalë pala tjetër. Së pari jemi të interesuar për promovim të plotë të lirisë së lëvizje, kjo nënkupton se për ne opsioni më i pranuar do të ishte eliminimi i plotë i dokumenteve nga dy vendet për hyrje- dalje”, ka deklaruar Kurti.
Ai thotë se si kryeministër i Kosovës në takimin në Bruksel ka hedhur idenë për të dyja vendet që të njihen të gjitha dokumentet.
“Derisa të ketë në njërën anë duhet të ketë edhe në anën tjetër. Ky opsion më i pranuar do të reflektohej jo vetëm me heqjen e dokumenteve për hyrje – dalje por edhe te eliminimi i letrave ngjitëse për targat. Kemi hedhur iden të njihen të gjitha dokumentet. Pozicioni ynë në këtë temë është pozicion evropian”, tha ai.
Po ashtu, Kurti theksoi se nuk nënkupton njohje reciproke mes dy vendeve, pse ka raport reciprok sa i përket targave të automjeteve që qarkullojnë nga një vend në tjetrin.
Sipas tij, nuk mund të flitet për menaxhim krizash me hapa të vegjël.
“Besojmë qe kjo ende nuk nënkupton njohje reciproke mes palëve, fakti që ne kemi raport reciprok sa përket targave të automjeteve që qarkullojnë nga një vende në tjetrin nuk do të thotë se kemi njohje reciproke. Me marrëveshjen që duhet ta ketë njohjen reciproke në qendër, reciprociteti është fryma, dhe ne nuk mund të flasim për menaxhim krizash me hapa të vegjël, e as për dakordim germe nëse braktisim frymën. Derisa marrëveshja duhet ta ketë në qendër njohjen reciproke, reciprociteti është fryma”, tha më tej Kurti. /teve1.info/
