I dyshuari ka pranuar se ka shtënë me armë zjarri gjatë një ahengu familjar në shenjë gëzimi, raporton teve1.info
Policia ka bërë të ditur se arma është sekuestruar në cilësi të provës materiale.
“Policia në Vushtrri me datë 21. 08.2022, përmes aplikacionit ,,Lajmëro Policinë” ka pranuar një informacion për një video të publikuar në rrjetin social ,,Tik-Tok”, në të cilën shihej një person duke shtënë me armë zjarri. Sot me datën 22.08.2022, policia ka identifikuar personin i cili shihej në video-inicimin e publikuar si dhe lokacionin e tij. Policia ka arrestuar personin A.M., 21 vjeçar, shtetas i Republikës së Kosovës ku i njëjti ka pranuar se me datën 20.08.2022, gjatë një ahengu familjar në shenjë gëzimi kishte shtënë disa herë në ajër nga një armë me gas. Arma është sekuestruar në cilësi të provës materiale”, thuhet në njoftim.
Personi i dyshuar pas intervistimit me urdhër të prokurorit është liruar në procedurë të rregullt ndërsa ndaj tij është iniciuar rasti për veprat penale: ,,Përdorim i armës apo mjetit të rrezikshëm” dhe ,,Mbajtje në pronësi, posedim apo kontroll të paautorizuar të armës’.
