Përmes një komunikate për media nga MB-ja e Shqipërisë, kanë thënë se tre shtetas me pasaporta ruse dhe ukrainase kanë tentuar të hyjnë në uzinë, raporton Teve1.info
Sipas kësaj ministrie, dy ushtarët shqiptar që ishin në ruajtje të uzinës u lënduan gjatë përpjekjeve për t’i ndaluar tre shtetasit e huaj.
“Një incident ka ndodhur mbrëmjen e sotme në Uzinën ushtarake në Gramsh. Tre shtetas me pasaporta ruse dhe ukrainase kanë tentuar të hyjnë në uzinë. Menjëherë kanë reaguar efektivët që ishin në ruajtje të uzinës, por gjatë përpjekjeve për t’i ndaluar 3 shtetasit e huaj janë lënduar dy ushtarakët tanë, të cilët janë nën kujdesin e mjekëve në spitalin e Traumës në Tiranë”, thuhet në njoftim.
Nga MB-ja atje, kanë thënë se shtetasit e huaj janë ndaluar nga autoritetet, ndërsa vijojnë hetimet për të zbardhur rrethanat e ngjarjes.
“Gjendja shëndetësore e dy ushtarakeve shqiptare është e stabilizuar”, thuhet më tej në njoftimin e Ministrisë së Mbrojtjes në Shqipëri. /teve1.info/
