I ftuar në emisionin “Ditari” në Tëvë 1, Avdia ua ka lënë fajin dy protokolleve të shteteve për mosrealizimin e takimit.
“Rasti i fundit ose debati që është zgjuar për mosdakordimin është po them një lëshim nga ana e protokollit të shtetit të Kosovës në bashkëpunim me protokollin e presidentit të Shqipërisë për një arsye e cila është se paraprakisht caktohet vendi ku dhe qysh dhe pa e marrë miratimin e palëve nuk mund të publikohen takimet dhe vendet”, tha ai.
Avdia thotë se për një vizitë të tillë, protokolli punon deri në një muaj paraprakisht, duke theksuar se për rastin konkret ka pasur lëshime nga ana e protokollit të presidentit shqiptar.
“Faktikisht protokolli punon fortë sepse për një vizitë të tillë punët nuk fillojnë për 2-3 ditë por dhjetëra dhe në rate kur vizita e një niveli të tillë punohet edhe për afër 1 muaj. Aty i bjen që ka pasur lëshime dhe ka pasë mosrealizim të detyrave të cilët ata zyrtarë paguhen nga paratë e dy shteteve”, shtoi ai.
Tutje, ai shton se një pjesë të madhe të fajit e mban edhe protokolli i shtetit, duke përmendur edhe disa raste të ngjashme që kishin ndodhur para disa vjetësh në një vizitë të ish-presidentit shqiptar, Bujar Nishani.
“Një gjë ka qenë e ngjashme nga përvoja ime mes ish-opozitës së fortë që bënte Albin Kurti në takim me ish-presidentin e ndjerë, Bujar Nishanin rezidenca ishte një një prej hoteleve prestigjioze në Prishtinë por ka qenë një detaj që Kurti kërkonte ta ndryshonte por për arsye që ishte takimi edhe me partitë e Luginës që ishin ftuar nga presidenti në shenjë respekti dhe Kurti kishte kërkuar insistonte që takimi i partive krerëve të partive të luginës të realizohej para takimit të tij por në bazë të rregullave të shtetit dhe rregullave që caktohen në këto raste i takonte Kurtit të realizonte këtë takim sepse ishte partia më e madhe parlamentare. Ne pasi kemi bërë një punë bindëse dhe kemi biseduar thellësisht me Kurtin dhe partinë e tij është dakorduar që takimet të realizohen bazë të konformës së agjendës së konfirmuar në vend dhe nuk kohën e duhur dhe këto ndodhin në çdo takim ka pakënaqësi”, shtoi ai./teve1.info/