Zero projekte kapitale, është emëruesi i përbashkët për gjashtë muajt e parë të vitit për Ministrinë e Ekonomisë, atë të Industrisë, Ndërmarrësisë dhe Tregtisë, e Administrimit të Pushtetit Lokal, dhe asaj të Zhvillimit Rajonal.
Më e suksesshmja del të jetë Ministria për Komunitete dhe Kthim me një përqindje prej 35% të realizimit të projekteve kapitale, numri i të cilave gjithsej ishte 3 projekte.
Niveli i realizimit të secilit projekt kapital është i prezantuar në raportin financiar të Thesarit të Shtetit.
Mos kryerjen e investimeve të parapara, Arian Zeka nga Oda Ekonomike Amerikane i sheh si fatkeqësi për qeverinë në tërësi.
Ndërkaq, sipas njohësit të ekonomisë, Besnik Avdiaj, mosrealizimi i tyre do të sjellë një varg pasojash.
Në pjesën e projekteve kapitale tek Ministria e Punëve të Brendshme, janë të renditura edhe projektimi dhe ndërtimi i disa shkollave fillore dhe çerdheve për fëmijë, për të cilat ky dikaster nuk ka kthyer përgjigje se pse janë në domenin e tij projekte të tilla.
Pa përgjigje rreth arsyeve të nivelit të realizimit të projekteve, ishte edhe Qeveria e Kosovës.
Raporti i gazetares Florijeta Dernjani.
