Rezoluta e Kuvendit shqiptar që u miratua më 21 korrik kërkon nga Asambleja Parlamentare e Këshillit të Evropës të bëjë një raport pasues dhe të rishikojë Rezolutën e vitit 2011, duke rivlerësuar edhe një herë akuzat e Martyt për trafikim të paligjshëm të organeve njerëzore.
Sa i përket rezultateve që mund të sjellë kjo nismë, Anton Nrecaj nga Instituti Clard thotë se rezoluta mund ta pastroj politikisht imazhin e Shqipërisë, i cili u dëmtua padrejtësisht.
“Realisht kjo rezolutë shpresojmë mundësitë të kalojë në Parlamentin Evropian. Kjo vetëm mund të prodhoi një efekt politik mbi bazën e të cilës shteti shqiptarë mund të pastrohet në aspektin politik, sepse raporti Dick Martyt bazohet pikërisht mbi atë që të gjitha këto krime kanë filluar në një vend në një zonë të Republikës së Shqipërisë do me thënë në “shtëpinë e verdhë”, tha Nrecaj.
Analisti nga Shqipëria Bledian Koka tha për tëvë1 se Këshilli i Evropës duhet të reflektojë, pasi hetimet ndërkombëtare të bëra që më gjatë se një dekadë kanë treguar se akuzat e Martyt janë të pabaza.
“Në momentin qe ka një akuzë, në momentin që ka një hetim ndërkombëtarë që verifikon që akuzat e ngritura dhe pretendimet e ngritura përmes një rezolute nuk qëndrojnë dhe janë të pabaza, atëherë është në nderin e institucionit që e ka bërë këtë rezolutë, ta korrigjoi ose ta rishqyrtoi atë dhe mendoj se nisma e Shqipërisë është në rrugën e duhur për ta bërë këtë korrigjim dhe për ta hequr këtë vulë turpi që nëse nuk do të hiqejn do të ngelej si një vulë turpi në analet e dokumentacionit të Këshillit të Evropës”, tha Koka.
Raporti i ish-senatorit zviceran, çoi në themelimin e Gjykatës Speciale të Kosovës në Hagë, në të cilën aktualisht janë duke u gjykuar krerët e Ushtrisë Çlirimtare të Kosovës. Por, akuzat fillestare për trafik organesh, mbi të cilat ishte themeluar kjo gjykatë, sot nuk janë lëndë shqyrtimi, pasi që nuk ka dëshmi faktike.
Raporti i gazetarit Valmir Gallopeni.