Deputeti nga radhët e LDK-së, Armend Zemaj, tha se për më pak se 4 javë janë regjistruar 30 mijë raste me Covid 19 në Kosovë.
Përmes profilit të tij në Facebook, Zemaj ka shkruar se vazhdon mungesa e barnave në listën esenciale e cila tashmë është bërë e zakonshme dhe e tmerrshme për pacientët.
“Në vetëm këto javë të kësaj Qeverie, përkundër të gjithave e gjithçkaje, ne si parti opozitare kemi ofruar Ligjin për Shëndetësinë, në mënyrë që t’ju dalim në mbrojtje qytetarëve dhe profesionistëve shëndetësor, ndërsa si kundërpërgjigje kemi marrë padëgjueshmërinë”, ka shkruar tutje Zemaj.
