Kjo është bërë e ditur nga Latifi gjatë një takimi me drejtorët e Klinikave të Kirurgjisë së bashku me stafin përcjellës-kirurgëve, ku temë diskutimi ishte Transformimi Klinik i Shëndetësisë së Kosovës.
“Në këtë takim ministri Latifi shpalosi para kirurgëve projektin e sub-specializimeve për të gjitha klinikat e kirurgjisë, e që ka për qëllim trajnimin e kirurgëve për t’u bërë specialistë dhe udhëheqës akademik në procedurat dhe teknikat e avancuara me standarde ndërkombëtare”, thuhet ndër tjerash në njoftim.
Sipas njoftimit, gjatë takimit Latifi ka kërkuar bashkëpunim nga të fjithë kirurgët.
“Me këtë rast, ministri Latifi kërkoi bashkëpunim nga të gjithë kirurgët, që janë shtylla kryesore e çdo sistemi shëndetësor dhe potencoi se vetëm me involvimin e tyre personal dhe angazhimin serioz e vizionin e qartë të përgjithshëm për qeverisje të mirë për shëndetësi, ku në qendër të vëmendjes është pacienti, por edhe mirëqenia e gjithë personelit shëndetësor, do ta transformojmë shëndetësinë e Kosovës”, thuhet tutje në njoftim./teve1.info/
