Në seancën që po mbahet në Kuvend, Haradinaj i cili e quajti Kurtin si “good guy”, theksoi se se di se në çfarë drejtimi mundet t’i shes atij moral.
“Kryeministri tha mos shitni moral. Vërtetë s’kom kujt me i shit se i kisha shit. Atij që u bo good guy se di ma në çfarë drejtimi me i shit moral e në çfarë vlerash, për shkak se good guy-ave nuk di me ju shit moral. Unë di me ju shit do njerëzve që janë më të vërtetë dhe që e dijnë se çka po dojnë”, tha ai, përcjell teve1.info
Tutje, Haradinaj i tha Kurtit që të mos merret me listën e zezë të Amerikës, por të tregoj se çfarë po bëhet me kryetarin e Listës Serbe, Goran Rakiq.
“Mos merr merita për listën e zezë, kush ka hy në listë të zezë, se atë e ka bo Amerika. Tregona çka po bohet me Rakiqin tond…ti me to në tavolinë”, shtoi deputeti i AAK-së.
Gjatë diskutimeve në Kuvend, Haradinaj e quajti kryeministrin Kurti si “Good guy” ndaj komunitetit ndërkombëtar, duke i thënë se agjendën e Kosovës po e cakton ndërmjetësuesi në dialogun Kosovë – Serbi, Mirsolav Lajçak. /Teve1.info/
