Në rrjetet sociale, ka nisur një kampanjë me kërkesën për ndryshimin e Udhëzimit Administrativ që ka të bëjë më bartjen e mbulesës në institucionet shkollore.
Nismëtarët e kësaj kampanje, thonë se ende pa u bërë 24 orë, fushata mori përkrahje të madhe.
“Rreth 100 mijë persona e kanë shpërnda hashtagun që e kemi nis. Duke e parë këtë përkrahje mendojmë që edhe Ministria e Arsimit duhet ta sheh këtë përkrahje edhe të ndryshohet…”, tha Liridon Kurti, iniciator i fushatës.
Kurti thotë se i dërguan shkresë Ministrisë së Arsimit, por që ende nuk morën përgjigje.
“Do të presim 45 ditë, nëse Ministria e Arsimit nuk përgjigjet, do të paraqesim një padi…”, shtoi ai.
E kjo kampanjë, po përkrahet edhe nga deputetët e shumicës parlamentare.
Ndërkohë përkrahje gjeti, edhe tek opozita.
E legjitime këtë iniciativë, po e konsiderojnë njohësit e çështjeve ligjore.
“Manifestimi i besimit me format e saj të cilat i përcakton legjislacioni ose konjektura fetaret, nuk mund të kufizohet për asnjë komunitet, e aq më shumë kur kemi të bëjmë me komunitetin shumicë në Kosovë”, tha avokati Asdren Bytyçi.
Në fund, Bytyçi thotë se ky Udhëzim Administrativ mund të ndryshohet vetëm me vendim të Ministrisë së Arsimit.
Tëvë1 për këtë çështje, pyeti të mërkurën ne dikasterin e që udhëheq Nagavci.
Por këta nuk kthyen përgjigje.
Raporti i gazetarit Fidan Zejnullahu.
