Qalaj në emisionin “Ditari” në Tëvë1 tha se Kosova ka të drejtë ta zbatojë reciprocitetin e plotë edhe në ekonomi, tregti e çështje tjera.
“Po më lejoni në fillim të them që është një vendim legjitim i i Qeverisë së Kosovës për zbatimin e reciprocitetit karshi Serbisë. Qeveria e Kosovës, Kosova ka të drejtë që të zbatojë reciprocitetin e plotë, jo vetëm të pjesërishëm siç është tash vendimi për këto dokumentet e udhëtimit dhe regjistrimin e veturave me ato targat tash ilegale që janë në Kosovë, mirëpo ka të drejtë të bëjë reciprocitet të plotë edhe në ekonomi edhe në tregti edhe në të gjitha dhe kjo është e drejtë legjitime. Është diçka tjetër çështja e implementimit dhe zbatimit të këtyre vendimeve që po merr Qeveria”, tha ai.
Sipas tij, nuk ka pasur intervenim të Policisë, por angazhim të njësive speciale dhe dërgim deri te bazat e tyre që siç tha ai i shfrytëzon Policia e Kosovës./teve1.info./
