Megjithatë, Sadiku bëri të ditur e sot nuk janë ofruar shërbimet komunale në pjesën veriore.
“Është kthyer normaliteti, fatmirësisht nuk ka pasur pasoja në Mitrovicën Veriore, nuk ka pasur as pasoja materiale por as tek njerëzit. Mitrovicës dhe komunave të tjera në veri i duhet normalitet, i duhet stabilitet dhe të kthehemi në gjëra normale. Qyteti i Mitrovicës që nga paslufta është përballur me net të tmerrshme, me alarme me zhurma dhe shpresoj që dalngadal po i kthehemi normalitetit, të ndihemi sikur mbarë banorët e Kosovës. Pra kërkojmë normalitet të merremi me gjëra normale si të gjithë qytetarët e Kosovës. Sot nuk ka funksionuar komuna veriore, nuk kanë mundur qytetarët të marrin shërbime më të thjeshta për çfarëdo obligimi që iu është dashur, edhe institucionet ne veri pothuajse kanë qenë të paralizuara, shpresoj që situata të ndryshoj dhe nesër të kthehet gjallëria”, tha Sadiku në emisionin “Këndi i Debatit” në Tëvë1.