Njohësi i fushë së energjisë këtë masë të Qeverisë e sheh si ndihmesë të atyre që si lëndë të parë e përdorin peletin ose pompat termike.
I ftuar në emisionin “Ditari”, Rexhepi si ndihmesë tjetër për qytetarët e Kosovë e sheh shfuqizimin e rregullativës për përdorimin e thëngjillit për një afat të shkurtër kohor pasi që thekson se Kosova gjendet në kohë emergjente.
“Kjo masë në mendimin tim parasheh që t’i ndihmohet atyre që si lëndë të parë e përdorin peletin ose pompat tjera termike që janë shumë më efikase. Qeveria duhet të merr masa t’i subvencionoj në njëfarë mënyre apo tjetër qytetarët apo edhe format tjera…Ndihmesë tjetër është që të shfuqizohen ato rregullativat e tjera që në kohë krize shembull të lejohet edhe përdorimi për një masë të caktuar edhe i thëngjillit edhe pse e ndot ambientin shumë por në kohë emergjente jemi dhe ndot edhe ajo do të duhej të merrej si masë shkurtë kohore sepse emergjenca këto i parasheh”, tha Rexhepi.
Masat e emergjencës, ndër të tjera, përfshijnë: Masa mbështetëse për qytetarët me qëllim të sigurimit të ngrohjes gjatë dimrit; Ndalimin e përdorimit të energjisë elektrike për mihjen e kriptovalutave; Mbështetjen e Operatorit të Sistemit të Transmisionit dhe Tregut (KOSTT) për të ndërmarrë veprimet e nevojshme në funksion të ruajtjes së sigurisë së sistemit elektro-energjetik; dhe Masa në kursimin e konsumit të energjisë elektrike nga të gjitha institucionet. /Teve1.info/
