Sipas tij, fillimi i reciprocitetit me Serbinë nuk është dashur të nisë të zbatohet në ora 24:00 të mbrëmjes sepse siç tha ai, mundësia për eskalim të situatës është më e madhe në atë kohë.
“Policinë e Kosovës nuk duhet ta bëjmë fajtoren kryesore sepse Policia çdo herë vepron mirë dhe ka plan operaconal. Unë nuk kam qenë dakord për atë që të bëhet fillimi i reciprocitetit në ora 24:00 të mbrëmjes ku është mjaft kohë e ndjeshme, është kohë nate dhe mundësia e rrezikut nga ekstremistët është e madhe. Për këtë arsye nuk e fajësoj Policinë por nivelin politik që ka urdhëruar që mu në këtë kohë të bëhet kjo“, tha Ibishi.
Ai në emisionin “Ditari” theksoi se çështja e barrikadave nga serbët në veri të vendit duhet një herë e mirë të zgjidhet dhe të mos u jepet shans ekstremistëve të vendosin barrikada sepse, siç tha ai, kemi një mundësi të mirë që këtë ta menaxhoj policia dhe të mos lejoj që aty të vendosen kamion me zhavorr dhe të bllokohen dy kalimet kufitare./teve1.info./
