Me të njëjtin dekret Radev emëroi një kabinet të përkohshëm të kryesuar nga Galab Donev, një ish-ministër kujdestar i punës dhe politikës sociale. Anëtarët e kabinetit kujdestar dhe prioritetet e tij do të prezantohen zyrtarisht mesditën e së martës në administratën e Presidentit.
Dekreti i Presidentit u dha në përputhje me Kushtetutën, pasi “Vazhdo ndryshimin” nuk përmbushi mandatin e formimit të kabinetit, GERB-UDF e refuzoi mandatin dhe BSP për Bullgarinë gjithashtu hoqi dorë nga detyra.
Kabineti aktual, i kryesuar nga Kiril Petkov, dha dorëheqje më 27 qershor pas pak më shumë se gjashtë muajsh në detyrë kur humbi një votë mosbesimi më 22 qershor.
Mocioni u miratua nga opozita GERB-UDF dhe u mbështet nga të gjithë grupe të tjera parlamentare, duke përfshirë ish-partnerin e ndarjes së pushtetit TISP, ministrat e të cilit u larguan nga qeveria e koalicionit më 8 qershor.
Duke gjykuar nga sondazhet e opinionit, legjislatura e ardhshme do të jetë po aq e fragmentuar apo edhe më e fragmentuar se sa e tanishmja me shtatë grupet e saj parlamentare, dhe formimi i një koalicioni qeveritar ka të ngjarë të jetë një përpjekje e vështirë./KP
