Në një konferencë për media, Hovenier theksoi se vendimet janë në përputhje me marrëveshjen në Bruksel, prandaj siç tha ai, kërkesa e SHBA-së është që të njëjtat të rishikohen derisa të ketë më shumë qartësi.
“SHBA-ja nuk ka pasur shqetësim për vendimin. Kam pasur takim me presidenten Osmani, kryeministrin Kurti, zëvendëskryeministrin Osmani dhe ministren e Jashtme, Gërvalla, për të bërë një kërkesë të qartë nga Qeveria e SHBA-së që të shtyhet implementimi i vendimit për 30 ditë. Mendoj se shtyrja e implementimit do të ishte e nevojshme, pasi duket se ka pasur dezinformata dhe keqkuptime për vendimin. Shpresojmë të punojmë me partnerët tanë në BE që të reduktohen tensionet. Ne nuk po kërkojmë anulimin e vendimit të jem i qartë, por shtyrjen”, ka thënë Hovenier.
Tutje, ambasadori amerikan potencoi se presin vendimin e Qeverisë së Kosovës lidhur me këtë çështje. /Teve1.info/
