Një veturë është raportuar e vjedhur të premten në Podujevë.
Sipas raportit policor, rasti ka ndodhur më 21 nëntor, në intervalin kohor 16:55 deri në 19:00, kur persona të panjohur dyshohet se kanë vjedhur veturën e një gruaje.
Veturën, me targa vendore, viktima e kishte lënë të parkuar në bodrumin e një marketi.
Lidhur me rastin është njoftuar prokurori, ndërsa policia ka nisur hetimet për zbardhjen e rastit dhe identifikimin e personave të dyshuar.







