Pas ndeshjeve të këtij muaji në Ligën e Kombeve, FIFA ka publikuar ranglistën e saj, ku Kombëtarja e Kosovës ka pësuar rënie.
Kosova i zhvilloi dy ndeshjet e fundit të edicionit të pestë të Ligës së Kombeve, ndërsa mori vetëm një pikë duke përfunduar e treta në grupin B3.
Barazoi pa gola me Izraelin në Prishtinë dhe u mposht thellë në Dublin nga Irlanda me rezultatin 3:0.
Në ranglistën e re të FIFA-s, Kosova renditet në pozitën e 78 me 1322 pikë, duke ngecur prapa Malit të Zi dhe Izraelit.
Për dallim prej ranglistë së shkuar, Kosova ka pësuar rënie për dy pozita dhe shkak për këtë janë bërë rezultatet e fundit në Ligën e Kombeve.
Ndërkohë, për dallim prej Kosovës, Kombëtarja e Shqipërisë është ngjitur për një pozitë dhe tani renditet e 65-ta me 1388 pikë.
Shqipëria fitoi grupin C1 të Ligës së Kombeve, duke siguruar promovimin në ligën B për sezonin 2028/29 të kësaj gare.
Sa i përket vendit të parë në ranglistë, atë e mbanë Spanjë kurse pas saj renditen Argjentina, Franca, Anglia dhe Maroku.









