TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
Reklamo

OVL-UÇK: Dënimi i Thaçit, i papranueshëm për ne, institucionet të mos rrinë duarkryq

by Tëvë1
8 minuta ago
0
A A
OVL-UÇK: Dënimi i Thaçit, i papranueshëm për ne, institucionet të mos rrinë duarkryq

Xhavit Jashari nga Shoqata e Familjeve të Dëshmorëve të UÇK-së e ka cilësuar të papranueshëm dënimin e ish-presidentit të Kosovës, Hashim Thaçi, në disa pika në rastin kundër administrimit të drejtësisë.

Dy muaj pas shpalljes së aktgjykimit të shkallës së parë, me të cilin Thaçi u dënua me 25 vjet burgim, të martën atij iu shqiptua edhe një dënim prej një viti e pesë muajsh burgim në rastin për pengim të drejtësisë.

Jashari tha se i gjithë procesi gjyqësor ka qenë i papranueshëm për organizatat e dala nga lufta, duke pretenduar se në asnjë vendim të kësaj gjykate nuk është bërë drejtësi.

“Dënimi i Thaçit, është i papranueshëm për ne, siç ka qenë i gjithë procesi i papranueshëm për organizatat e dala nga lufta, me kundërshtimet që nga krijimi, dhe gjithë këtë proces që e kemi përcjellë, vetëm në fakt është argumentuar që kjo gjykatë në asnjë rrethanë, në asnjë moment dhe në asnjë vendim nuk ka ndodhur drejtësi. E argumentoj edhe sot që është gjykatë politike, dhe marr të drejtën të them që adresa e kësaj gjykate është në Serbi dhe Rusi. I shtojmë edhe një fakt: meqenëse Hashim Thaçi mori një dënim të padrejtë, si ka mundësi pikërisht kjo seancë të thirret më 17 nëntor, kur mirret parasysh që më 17 nëntor të vitit 1994 është emërtuar Ushtria Çlirimtare e Kosovës, nga Lëvizja Popullore e Kosovës, dhe ky është edhe një argument shtesë që i vetmi qëllim i kësaj gjykate ka qenë është edhe mbetur për të goditur ushtrinë çlirimtare të Kosovës”, tha Jashari.

Ai ka kritikuar edhe Bashkimin Evropian dhe shtetet që financojnë Gjykatën Speciale, duke kërkuar reagim ndaj vendimeve të saj.

“Ku është Bashkësia Evropiane? Ku është Këshilli i Evropës, Parlamenti Evropian? Ku janë ato shtete që e financojnë këtë gjykatë të njëanshme, të padrejtë dhe me plot gojë e thënë raciste? Gjithë kjo që ka ndodhur dhe po ndodh për ne është e papranueshme, nga kjo gjykatë, qysh e kemi thënë që nga krijimi e deri më sot, që ne nuk i njohim gjykatat e tilla. Dhe tani dua të bëj edhe një pyetje: ku janë institucionet e Republikës së Kosovës? Dhe nga këtu ju bëjmë edhe një herë thirrje që këto institucione mos guxojnë të bëjnë kompromise dhe pazare me vlerën më kulmore me luftën e ushtrisë çlirimtare të Kosovës, sepse ushtria çlirimtare e Kosovës është vlerë mbi institucione, është vlerë që e ka sjellë lirinë e Kosovës, andaj këto institucione kanë obligim që, kur preket në këtë luftë, duhet të reagojnë, duhet të mbrojnë”, tha ai.

Jashari paralajmëroi edhe ata që, sipas tij, kanë bërë pazare me ligjin, duke kërkuar nga institucionet e Kosovës dhe drejtësia ndërkombëtare që të mos heshtin.

“Edhe një çështje tjetër dua të them që ata që kanë bërë pazare, ata që kanë luajtur me ligjin, dhe me kërkesën tonë që ka qenë e vetmja kërkesë që të nxirret një nen në këtë ligj mendoj se edhe jeta e tyre politike do të përfundojë me turp. Ushtria çlirimtare e Kosovës nuk është individ, nuk është e grupeve, nuk është e një partie ose tjetrës. Ushtria Çlirimtare e Kosovës është vlerë e secilit që sot e gëzon lirinë. Ju bëjmë thirrje institucioneve, ju bëjmë thirrje faktorit të drejtësisë ndërkombëtare që mos të rrijë në duarkryq”, tha ai.

Në këtë proces gjyqësor, përveç Thaçit, të akuzuar ishin edhe Bashkim Smakaj, Isni Kilaj, Fadil Fazliu dhe Hajredin Kuçi.

Gjykata Speciale e dënoi Bashkim Smakajn me 12 muaj burgim. Meqë ai ka kaluar më shumë se 12 muaj në paraburgim, do të lirohet menjëherë. Me nga 12 muaj burgim u dënua edhe Fadil Fazliu.

Ndërkaq, për Isni Kilajn gjykata shpalli aktgjykim lirues, ndërsa Hajredin Kuçit i shqiptoi një muaj burgim me kusht.

ShareTweet

Postime të ngjashme

Thaçi: Kjo është politikë, nuk është drejtësi

Thaçi: Kjo është politikë, nuk është drejtësi

Çitaku: Veprime të paplanifikuara dhe të pakoordinuara të Qeverisë

Çitaku reagon ndaj vendimit të Speciales për Thaçin: E turpshme dhe e papranueshme

Fazliu: Vendim jo i drejtë

Fazliu: Vendim jo i drejtë

Specialja dënon me 41 muaj burgim Thaçin, Smakajn e Fazliun, Kuçin me një muaj burgim me kusht, Kilaj i pafajshëm

Specialja dënon me 41 muaj burgim Thaçin, Smakajn e Fazliun, Kuçin me një muaj burgim me kusht, Kilaj i pafajshëm

SHBA lëshon alarm sigurie në Evropë, paralajmëron për kërcënime të mundshme terroriste

SHBA lëshon alarm sigurie në Evropë, paralajmëron për kërcënime të mundshme terroriste

OVL-UÇK: Dënimi i Thaçit, i papranueshëm për ne, institucionet të mos rrinë duarkryq

OVL-UÇK: Dënimi i Thaçit, i papranueshëm për ne, institucionet të mos rrinë duarkryq

Opozita izraelite përjashton mundësinë e qeverisë së unitetit me Netanyahun

Opozita izraelite përjashton mundësinë e qeverisë së unitetit me Netanyahun

Shorti për “Euro 2028” – Kosova apo Irlanda në vazon e dytë?

Shorti për “Euro 2028” – Kosova apo Irlanda në vazon e dytë?

Zhegrova mund të jetë gati për Venezian

Zhegrova mund të jetë gati për Venezian

Thaçi: Kjo është politikë, nuk është drejtësi

Thaçi: Kjo është politikë, nuk është drejtësi

Çitaku: Veprime të paplanifikuara dhe të pakoordinuara të Qeverisë

Çitaku reagon ndaj vendimit të Speciales për Thaçin: E turpshme dhe e papranueshme

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

Social Media

© 2022 - 2026 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

© 2022 - 2026 TËVË 1 - lexoje tëvërtetën