Kryetari i Prishtinës, Përparim Rama, ka reaguar pas anulimit të takimit në Athinë lidhur me Lojërat Mesdhetare “Prishtina 2030”, duke kërkuar llogari nga Qeveria e Kosovës.
Rama ka thënë se, sipas njoftimit të Komitetit Olimpik të Kosovës, anulimi lidhet me mungesën e përgjigjeve, obligimet e papërmbushura dhe moskonfirmimin e delegacionit brenda afatit.
“Pas të gjitha paralajmërimeve, tani anulohet edhe takimi ku duhej të bëheshin përpjekjet e fundit për të mos ua humbur qytetarëve të Kosovës këtë mundësi historike!”, ka shkruar Rama.
Ai ka kërkuar që kryeministri Albin Kurti dhe Qeveria e Kosovës të japin llogari për situatën.
“Ky është skandal! Ky është turpi i shtetit tonë!”, ka deklaruar Rama./teve1.info/








