Sipas tyre, kjo është një ngjarje të cilën e dënojnë dhe janë krah organeve të rendit për zbardhjen e rastit, shkruan teve1.info
“Ngjarja ka ndodhur gjatë vitit të kaluar, në vitin 2021, dhe përgjegjësia mbetet individuale e secilit zyrtarë komunal. Qeverisja jonë nuk ka përgjegjësi ndaj veprimeve të jashtëligjshme të zyrtarëve në fjalë, por, mbetemi përgjegjës t’i ndalojmë veprimet e tilla dhe ta ngrisim kontrollin për përgjegjësinë e zyrtarëve komunal ndaj qytetarëve. Nga ky akt është dëmtuar edhe reputacioni i Komunës së Prizrenit, në vazhdën e realizimit të projekteve ekzistenciale për qytetarët. Denojmë çdo akt të jashtëligjshëm që dëmton qytetarët, me theks të veçantë rastet sociale, të cilat janë prioritet i qeverisjes aktuale dhe do të trajtohen me përpikëri”, thuhet në njoftim.
Gjykata Themelore në Prizren ka caktuar sot masën e paraburgimit prej një muaj ndaj të pandehurve C.C., I.R., A.I., R.D., dhe Sh.A., pasi që dyshohet se kanë kryer veprat penale “keqpërdorim i pozitës apo autoriteti zyrtar” dhe “falsifikimi i dokumentit zyrtar”.
Ata dyshohet se që nga fillimi i dhjetorit 2021 e deri më 25 korrik i kanë shkaktuar dëm material Komunës së Prizrenit në shumë prej 13,283.00 Euro. /Teve1.info/